Este ano a Academia Sueca outorgou o Premio Nobel de Literatura ao escritor británico de orixe xaponesa Kazuo Ishiguro.
El gigante enterrado, a última novela que publicou o autor, está ambientada en Inglaterra, aínda que a acción transcorre durante a Idade Media. Ishiguro constrúe unha narración na que pescuda sobre temas como a memoria, o esquecemento, os fantasmas do pasado, o sangue e a traizón que normalmente arrastra a creación das patrias. Aínda que o ambiente nos traslada a un pasado remoto, o autor trata os eternos temas e dilemas que nos inquietan.
Outra das grandes historias contadas por este novelista británico é Nunca me abandones, pola que foi nominado ao premio Booker en 2005. Trátase dunha ficción distópica que narra o proceso de desenvolvemento e aprendizaxe dunha nena, Kathy H., internada nun centro en Inglaterra. O lector irá descubrindo que alí todo é una representación onde os mozos non saben que o son, e tampouco saben que non son máis que o segredo terrible da boa saúde dunha sociedade.