Novidades

Penelope Bagieu decidiu dar voz ás mulleres que souberon transformar as súas vidas a pesar das dificultades que as circunstancias lles poñían diante.  E faino creando viñetas nas que narra as historias destas combativas e valorosas mulleres.

Dezaseis escritoras e ilustradoras unidas en prol da muller. Aínda que contos, o punto de partida de todos eles é a vida mesma: situacións cotiás que as mulleres nos vemos obrigadas a vivir cada día e que non poden seguir sendo agochadas. No twiter da editorial Nube de tinta podedes seguir esta e outras interesantes obras.

Unha sociedade en evolución ten que cambiar os estereotipos; por iso estes libros son imprescindibles para unha educación que rompa coas desigualdades de xénero. Trátase de dous volumes que inclúen cadansúas cen biografías, explicadas a modo de conto por Elena Favilli, e acompañadas das magníficas ilustracións de Francesca Cavallo.   Visitade a Web da editorial para saber máis sobre esta obra.

Se na anterior entrada completabamos unha saga, con esta estreamos a nova serie de Rick Riordan, Las pruebas de Apolo. Trátase dunha secuela de Los heroes del Olimpo, que tan ben coñecedes. Así que non vos perdades estas novelas de fantasía e aventuras inspiradas na mitoloxía! Xa contamos coas dúas primeiras entregas:   E, se queredes saber máis desta nova saga, entrade na páxina

Con estes dous novos títulos completamos, de momento, a  saga de La caída de los reinos  de Morgan Rhodes.   Continúan as loitas entre os tres reinos que constitúen a illa Mytica, agora ameazada por unha marea de xeo, polas traizóns, as alianzas e... o destino!!! Visita a páxina da editorial para coñecer m áis.

Aínda que a historia pretendeu silencialas, moitas mulleres non aceptaron deixar o papel protagonista unicamente aos homes. Este libro cóntanos as historias de grandes mulleres galegas que fixeron historia!

Estamos ante unha entrega de Trasmallo, un pirata do século XVII que ten unha escola de piratas en Rianxo. Desta vez vémolo na busca dun tesouro enterrado por un pirata nas terras da Barbanza!

Humor gráfico moi galego: retranca, ironía, mundo rural... E temas que todos coñecemos e sufrimos na nosa vida. Que mellor que rir de nós mesmos? Coñecédeo tamén a través do seu blog!

Por petición popular chegan á nosa biblioteca novas entregas da saga Cazadores de sombras. (Entra na web oficial para coñecer máis)

(fai clic sobre a foto e entra na páxina de Moderna de pueblo) Non se necesitan palabras para presentar este libro. Se queres saber máis, cólleo!!!

Unha versión dun clásico, contos como os de antes que desenvolven a imaxinación, mensaxes contra a guerra que nos fan reflexionar sobre a nosa sociedade, a solidariedade ante o desfiuzamento, a loita pola igualdade e a paz entre os pobos... Estes son os temas que podedes atopar nestas novas cinco obras que están á vosa disposición na biblioteca:    

Xa podedes ler na biblioteca este thriller de ciencia ficción da que algúns afirman que se trata dunha versión xuvenil de Perdidos . Aquí atopámonos con Dodji, Celia, Laila, Iván e Terry, cinco rapaces e rapazas que ao despertar unha mañá descobren que son as únicas persoas que quedan sobre a Terra. Onde están os demais? Aí comeza unha aventura que os leva a vivir situacións extremas que non debes perderte!