Lecturas para reflexionar

Coas novidades que vos presentamos esta semana queremos levarvos a unha viaxe pola reflexión, acción menosprezada que nós non imos deixar que se perda!

Comezamos presentando a obra máis suave, La chica que patina y el tonto que la quiere, que nos fala da importancia de loitar polos nosos soños. Neste libro tamén atopamos boas doses de amor, amizade e aventuras, como non! 

Aínda que desde unha perspectiva fantástica, La leyenda de las tierras raras tamén nos invita á reflexión. Imaxinas que mañá espertas nun mundo no que tes que afrontar incribles e crueis probas para sobrevivir?

Os protagonistas desta historia pasan dun mundo idílico a un mundo distópico onde a competencia e a loita pola supervivencia van levalos a unha misteriosa misión que provocará que se cuestionen as bases de toda a educación recibida.

Varias da obras que vos presentamos falan, xa desde un punto de vista máis realista, das pedras no camiño que podemos atopar na vida e que debemos aprender a sortear:

En Ceiba de luz, a natureza, as aventuras no amazonas, a convivencia e as traizóns, a intriga... guiarannos polo camiño da perda do egoísmo e o individualismo que caracteriza a sociedade actual.

Outras veces, salvamos os obstáculos coa esperanza e a solidariedade, coa paz e a liberdade, que son as únicas armas contra o drama dos refuxiados que se retrata en Unha longa viaxe.

A protagonista de O que sei do silencio descubrirá que son as palabras as que nos fan fortes fronte ao acoso, a manipulación, a covardía... Non cales!

O humor é o filtro que Paasilinna utiliza en O ano da lebre para reflexionar sobre a nosa sociedade, abafante e destrutora, do individuo a da natureza. Unha pequena anécdota leva a Kaarlo Vatanen, o protagonista, a unha viaxe que lle cambiará a vida.

    

    Outras veces, son os exemplos de fortaleza que vemos nas persoas que nos rodean o que nos axuda a ser fortes nós tamén. Lede estas palabras que pronuncia a protagonista de 

      El Viaje de Patty: 

   Hola. Soy Patty Dragona, soy gamer, youtuber, ecologista y apasionada. Me encantan los videojuegos, la naturaleza, los perros y mi pelo rojo. Soy muy guerrera y cuando algo me gusta estoy dispuesta a todo para conseguirlo.

Bienvenidos a mi mundo!